Zehî Dil Kim Münevverdir Bugün Nûr-i Tecellâdan

NUTK-İ ŞERÎF

Zehî dil kim münevverdir bugün nûr-i tecellâdan

Zehî cân kim mu'attardır hevâ-yı 'aşk-ı Mevlâ'dan

Ciğer kânın içen 'âşık şarâb-ı fânîyi n'itsün

Şarâb-ı bâkî vâr iken dem urmaz câm-ı sehbâdan

Eğer ehl-i hicâb anı muhakkak bilmese kimdir

Çü görmez Yûsuf'un hüsnün ne hâsıl çeşm-i a'mâdan

Dahi sen kendi özünü kubûr ehlinden olmuş bil

Ki ya'nî hiç vatan tutma Semerkand u Buhârâ'dan

'Amel kıl dedi dünyâ'çün cihânda durduğun mikdâr

'Amel kıl dedi cennet'çün bekâ buldukça me'vâdan

Hudâ'nın 'âşıkı çokdur velî bu Şemseddîn gibi

Kanı bir derdli 'âşık kim yanupdur 'aşk-ı Mevlâ'dan

Akşemseddîn Velî

Kuddise Sırruh