Ben 'Âşık-ı Cânâneyem Cân u Cihândan Geçmişem

NUTK-İ ŞERÎF

Ben 'âşık-ı cânâneyem cân u cihândan geçmişem

Ben lâ-mekân seyrin bulup seyr ü mekândan geçmişem

Bâzâr-ı 'aşka gelmişem bâğ-ı cinândan geçmişem

İrüp gınâya fakr ile sûd u ziyândan geçmişem

'Ayne'l-yakîn ol dilberi cânım içinde görmüşem

Ben 'ârif-i Hakk'ım bu gün zann u gümândan geçmişem

Ey hâce mülk ü mâlını 'arz itme bana fahr ile

Ben genc-i bî-pâyân bulup hân ile mândan geçmişem

Bende olaldan o şehe sultân-ı 'âlem olmuşam

Dünyâ sarâyın terk idüp mîr ile hândan geçmişem

'Îsâ gibi râh-ı semâ tutdum anınçün cân ile

Nefsim huyun terk eyleyüp bu hâkidândan geçmişem

Ben Şems-i fânîyem beni ol şems-i cân mahv ideli

Ma'nâ göğün seyr itmeğe çerh-i duhândan geçmişem

Akşemseddin Velî

Kuddisse Sırruh